Un día unha parella de mozos foron de lúa de mel a unha praia onde había unha casa vella e decidiron acampar alí. Cando entraron pola porta a casa transformouse. As paredes falaban soas, o teito desapareceu e o chan volveuse rugoso. A parella quedou quieta durante uns minutos. Máis tarde oíuse unha voz que viña da parte baixa da casa. Cando ían abrir a porta algo os empuxou e caeron polas escaleiras abaixo. Estaba todo moi escuro e cheo de teas de arañas. Ao cabo dunha hora apareceu unha luz cunha enorme sombra que lles dixo que se querían saír de alí que tiñan que pasar un par de probas e a parella aceptou.

• 
  
  A primeira: consistía en xogar a un xogo no que pasaban cousas moi raras: aparecían animais, formábanse tornados,....


• 
  
  A segunda: tiñan que buscar pistas por toda a casa para resolver misterios.


• 
  
  A terceira: tiñan que ir matando xente para conseguir puntos.


• 
  
  A cuarta e última: tiñan que formar refráns e pegalos por todas as paredes.

Cando terminaron a casa volveuse como un castelo e apareceu a luz que lles mandara facer as probas e díxolles que agora xa podían saír da casa, porque aprobaran. Cando ían saír pola porta levantouse un enorme vento que os arrastrou para atrás golpeándoos contra a parede do fondo, apareceron unha camada de animais de todo tipo e tamaño...durante un par de minutos. Máis tarde a moza desapareceu. O mozo quixo retela, pero non puido. Despois enseguida volveu aparecer a luz, colleuno e levouno de arrastras ata onde estaba a moza. Era un cuarto escuro cun montón de fotografías deles e a moza estaba atada a unha cadeira metida nun armario berrando como se a sangraran. O mozo quixo ila buscar, pero cando chegou ela xa non estaba. A luz colleu un coitelo e cravoullo no corazón e entón a moza apareceu e morreu canda el.